S'letscht Johr semmer am 19.Januar 2013 anes Turnier id Heimat vom Andi nach Zuzwil im St.Gallische g'reist. Als "Aargau(n)er" hemmer dene Oschtschwiizer mol welle zeige wiemer Volley spellt! Ond tatsächlich hend mer "Gauner" de 3.Platz erronge!

Do mer ned nor am Turnier sälber vell Spass gha hend sondern au ide druffolgende Nacht im Masseschlag, semmer das Johr am 18.Januar 2014 grad weder met vell Elan ond em Schlofsack im Gepäck a das lässige Turnier gange! Nachdem mer ide Vorrondi ein Sieg am andere hend dörfe istecke, hämmers am Schloss vo total 13 Mannschafte uf de 2.Platz gschafft! Yes, we can!

Eb mer negscht Johr weder en Iladig vo Zuzwil bechömed, müemer jetzt halt abwarte. D'Gaschtgeber bruched secher längeri Zyt, bes sie verdaut hend, dass mer Aargauer de Oschtschwiizer zeigt hend, wie mer rechtig Volleyball spellt! 

Ond mer hend Glöck gha, mer hend weder in Iladig vo Zuzwil becho ond send am 17.Januar 2015 id Oschtschwiiz greist. Aber jetzt wänds es eus chli schwerer mache. Drom hends neuerdings en Plauschgroppe ond en Groppe för Agfrässni gmacht. Ond oisi Gegner send wörkli zom Teil sehr agfrässe gsi. Aber es hett ois trotzdem weder gfalle. Met vell Kampfgeischt ond guete Ushilfe vo Usserhalb, hämmer ois uf de 3.Platz vöre kämpft!